स्कूलको पर्खाल भत्किदा एकको मृत्यु, एक घाइते

गोरखाको सिरानचोक ५ छोप्राकस्थित मण्डली माद्यामिक विद्यालयको पर्खाल भत्किदा एक जनाको मृत्यु भएको छ भने एक जना घाइते भएका छन् ।

सो बिद्यालयको कम्पाण्ड वरीपरीको पर्खाल लगाउँदै गर्दा भत्किएर नवलपरासीको गैडाकोटका २८ बर्षीय गोविन्द सुवेदीको मृत्यु भएको हो ।


नवलपरासीको गैडाकोटकै १८ बर्षीय सुवास गन्धर्व घटनामा परी घाइते हुनु भएको छ । डिएसपी विरेन्द्र थापाका अनुसार मृतक र घाइते दुवै मजदुर हुन । घटना शनिवार बिहान ८.५० बजे भएको हो ।