३० किलो चरेशसहित सातजना पक्राउ

साउन ४, मकवानपुर  – मकवानपुरको हेटौंडा उपमहानगरपालिका–१० बसपार्कबाट यहि  बुधबार बिहान ठूलो परिमाणमा लागुऔषध चरेशसहित सशस्त्र प्रहरीले सातजनालाई पक्राउ गरेको छ ।  विशेष सुराकीका आधारमा ३० किलो चरेशसहित सातजनालाई सशस्त्र प्रहरीबल हेटौडाले पक्राउ गरेको हो ।

भारतीय नम्बर प्लेटको ट्याक्सीसहित ३३ हजार ६ सय ९० भारतीय रुपैयाँ पनि बरामद गरिएको सशस्त्र प्रहरीबल हेटौंडाका प्रहरी नायब उपरीक्षक त्रिभुवन बिष्टले जानकारी दिनुभयो ।

प्रहरीले चरेशसहित मकवानपुरको साबिकको आग्राका बिक्रम स्याङतान र हिरा स्याङतान, भारत लखनौका निर्भय सिंह, भारत रक्सौलका मुकेश सराफ, भारत मोतिहारी रमगड्वाका कलावती देवी, रौतहट राजपुर फरादवाका कमला खातुन र रौतहट बलराका सरोज पटेललाई पक्राउ गरिएको डिएसपी बिष्टले बताउनुभयो ।