छाति बाहिर मुटु भएको शिशुको सल्यक्रियाको क्रममा मृत्यु

 जन्मिदै छाति बाहिर मुटु भएको (इक्टोपिया कोर्डिस) शिशुको काठमाण्डौँ बाँसबारीस्थित शहिद गंगालाल हृदयरोग केन्द्रमा शल्यक्रिया गर्ने क्रममा मृत्यु भएको छ ।

 धरानको वीपी कोइराला स्वास्थ्य विज्ञान प्रतिष्ठानमा उपचार सम्भव नभएपछि काठमाण्डौँ ल्याइएको थियो । छाति बाहिर धड्किरहेको मुटुलाई शरीर भित्र राख्नको लागि सल्यक्रिया गर्ने क्रममा उनको निधन भएको हो ।

 झापा बनियानी ४ की २२ वर्षीया श्रुति कार्की (दाहाल)को कोखबाट मुटु बाहिर निस्किएको शिशु (बालक)को जन्म भएको थियो ।

शिशुको मुटु बाहिरै भए पनि अरु सबै अवस्था सामान्य रहेको प्रतिष्ठानकी प्रसुति रोग विभाग प्रमुख डा। शैलजा क्षेत्री श्रेष्ठले बताएकी थिइन् । यस्तो घटना नेपालमै पहिलो भएको र विश्मै हालसम्म ९१ वटा मात्र यस्ता बच्चाको जन्म भएको उनले जानकारी दिइन् ।